提早結業助明哥 網民籲幫好心業主散貨

「深水埗明哥」區內的北河點心茶餐廳分店，本因加租而被迫執笠，幸獲好心業主謝先生出手相助，並以更低租金出租其舖頭予明哥，令分店得以繼續營運。為助明哥，謝先生更提早其手袋店「崇麗行」至4月1日結業，惟店內尚有大量存貨，有YouTuber拍片籲網民助謝先生散貨。

「James 占士．甸峰」在facebook發布一段短片，並以「跪求廣傳。一起的撐！」為題，指「當焦點都落起（喺）明哥嘅時候，有冇諗過謝先生的亦好想好想盡快沽清手上嘅貨...」根據片段，謝先生原想「崇麗行」由7月結業提前至4月1日，順利交吉讓明哥繼續經營，但店內亦有大量存貨有待沽清，包括書包、哥爾夫球袋及手挽袋等。

謝先生表示，二人相識多年，明哥所賣的飯盒十多年未曾加價，得知明哥被加租後只說了一句「我撐你，過嚟！」，就成了交易，拍片的「James 占士．甸峰」亦非常感動。